Ministri Beqaj prezanton sistemin e ri të administrimit të autoambulancave

Kliko per me shume info

beqajjDuke filluar nga muaji mars 2016, 90% e autoambulancave të shërbimit të urgjencës nuk do të qëndrojnë më në spital, por do të ndahen në pika të caktuara sipas zonave.

Ministri i Shëndetësisë, Ilir Beqaj prezantoi sot sistemin e ri të administrimit të shërbimit të autoambulancave, me qëllim shkurtimin e kohës së vajtjes për te qytetarët në nevojë.

Kliko per me shume info

Beqaj u shpreh se “90% e flotës tonë do të jetë në shërbim të qytetarëve, një 10% do ta mbajmë rezervë për nevojat tona. Në turnin e tretë do të ketë një përdorim më të vogël por do të na ndihmojë edhe kjo që kemi këtu. Bashkë me kriteret e tjera si popullsia, sipërfaqja për metër katrorë, dendësia e popullsisë, metrat linear të rrugëve të asfaltuara brenda 1 km katror gjeografi, distancat nga spitalet, numri i skuadrave disponibël në një rreth koncentrik me 25 km rreze do të na sjellë në atë që besoj nga muaji mars i vitit të ardhshëm një pjesë e mirë e autoambulancave të paktën në mëngjes deri në darkë nuk do të jenë të stacionuara më në spital. Do të dalin në 07:00 të mëngjesit, do të shkojnë në një pikë të caktuar dhe do të qëndrojnë atje deri në orën 23:00. Kështu do të shkurtojmë kohën e vajtjes deri tek qytetarët”, tha Beqaj.

Më tej, ai tha se ky proces duhet të shoqërohet edhe me përmirësimin e pajisjeve mjekësore të autoambulancave, ndërsa njoftoi se në janar-shkurt do të nisë procesi për shtimin e burimeve njerëzore.

loading...

LEAVE A REPLY

Please enter your comment!
Please enter your name here