Vodhën bankomatin me 100 mijë euro, mes të arrestuarve në Itali edhe një shqiptar
Vodhën bankomatin me 100 mijë euro në aeroportin ndërkombëtar të “Riviera Koralit” në Alghero të Sardenjës por përfunduan në prangat e policisë. Ngjarja ndodhi në Itali dhe mediat e vendit fqinj thonë se në pranga ranë 6 persona, mes të cilëve shqiptari Agron Lulla 34 vjeç, një qytetar italian e 4 nënshtetas rumunë. Me dy furgona të vjedhur, ata fillimisht kanë bllokuar me bllok çimentoje hyrjen e automjeteve në parkingun e aeroportit. Kanë shkatërruar dyert e brendshme të tij, duke u futur më furgon deri pranë bankomatit dhe më pas kanë lidhur me automjetin, bankomatin e vjedhur duke e tërhequr zvarrë deri në dalje të aeroportit.