Lajmi Fundit
Lajmi i Fundit, Lajme Shqip, Gazeta Online, balkan, lajme live 24

Mourinho dhe Van Gaal, vendimtarë për karrierën e Robben

robennArjen Robben ka përmendur dy menaxherët Jose Mourinho dhe Louis van Gaal, për të cilët thotë se kanë pasur ndikim të rëndësishëm në karrierën e tij.

Robben ka punuar me portugezin në Chelsea në vitet 2004-2007, para se të largohej për në Real Madrid.

“Mourinho ishte shumë i drejtë, shumë i mirë”, deklaroi Robben, transmeton koha.net. “Problemi i vetëm ishin dëmtimet”.

“Ai nuk mund të llogariste në mua. Ishte frustuese për të dytë dhe u bë e vështirë. Por në pikëpamjen e futbollit, ai ishte shumë i rëndësishëm. Ai më ka ndihmuar në aspektin mental”, shtoi holandezi.

Në anën tjetër, Robben ka punuar edhe me van Gaalin në Bayern dhe te kombëtarja e Holandës, ku në botërorin e fundit ka qenë lojtari kyç i skuadrës.

“Që nga dita e parë van Gaal më ka bërë të ndihem i rëndësishëm. Ai më ka dhënë një rol të rëndësishëm dhe pata një vit të parë të mrekullueshëm. E falënderoj shumë”, theksoi ylli i Bayernit.

“Ai është një trajner që i bën lojtarët individualë të ndihen mirë. Kjo gjë është e rrallë sot. Kam shumë besim se do të ketë sukses te United. Atij i duhet kohë që ta ndërtojë skuadrën. Nëse kualifikohet në Ligën e Kampionëve dhe fiton Kupën FA, do të ketë një sezon të mrekullueshëm”, përfundoi Robben

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Leave A Reply

Your email address will not be published.