Kapet sllovaku me 11 refugjatë kosovarë në makinë

Kosovë&Rajon

sllovakiPolicia Federale ka ndalur të shtunën në autostradën A8 në segmentin Salzburg-Munih një përpjekje të madhe për trafikim me refugjatë.

Një shtetas sllovak kishte futur në makinën e tij për 7 persona plot 11 refugjatë kosovarë në përpjekje për t`i bartur nga Austria në Gjermani.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Pasi që vetura kishte vetëm shtatë vende, disa nga kosovarët është dashur të vendoseshin në bagazh, ndërsa fëmijët në prehër të nënave të tyre, ka bërë të ditur të hënën policia federale.

Asnjëri nga kosovarët nuk posedonte dokumente të rregullta për qëndrim në Gjermani.

Shoferi sllovak, kishte këmbëngulur se “nuk kishte lidhje” me trafikim, dhe as nuk e dinte se kaq shumë njerëz ishin vendosur në makinën e tij.

Ai kishte thënë se makinën e kishte në dispozicion nga një firmë transporti e cila e paguante 600 euro në muaj për shërbimet e tij.

Por kjo nuk ishte marrë parasysh nga policia, e cila e kishte arrestuar atë.

Por, sipas njohurive të para, ai kishte marrë para të majme nga udhëtarët, gjegjësisht kishte inkasuar 500 euro prej secilit nga ta.

Sllovaku 43 vjeçar është dërguar në burgun e qytetit Bad Reichenhall ndërsa të trafikuarit janë dorëzuar në qendrën për pranim të refugjatëve në Munih

ME TE LEXUARAT