Fëmija nga Kosova humb jetën rrugës për në Hungari?

Kosovë&Rajon

femijeNjë vajzë e mitur e moshës dyvjeçare nga komuna e Vitisë ka gjetur vdekjen në kohën kur bashkë me familjarë të saj po e kalonte ilegalisht kufirin për në Hungari.

Burime nga fshati Beguncë e komunës së Vitisë kanë bërë me dije se një e mitur nga fshati i tyre ka gjetur vdekjen kur ilegalisht bashkë me familje po kalonte për në Hungari dhe atë e kanë identifikuar si e mitura A.M. e moshës dyvjeçare.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Togeri Ismet Hashani, zëdhënës rajonal i policisë për Rajonin e Gjilanit, ka thënë për “Zërin” se deri më tashti nuk është raportuar për një rast të tillë, ngase një gjë e tillë nuk është përmendur as në buletinin e mëngjesit.

Sipas tij, ka pasur interesim të gazetarëve në lidhje me rastin, por Policia Rajonale nuk ka marrë një informatë të tillë.

Në fshatin e saj të lindjes, në Beguncë të Vitisë, është thënë se vajza ka ndërruar jetë para dy ditësh dhe se familja e vajzës tashti është në përgatitje të dokumentacionit për kthimin e trupit të saj të pajetë në vendlindje.

ME TE LEXUARAT