Sot Samiti në SHBA kundër terrorizmit, merr pjesë edhe ministri Tahiri
Në Shtetet e Bashkuara të Amerikës ka nisur Samiti ndërministror kundër terrorizmit i organizuar nga Presidenti i SHBA-ve Barack Obama, i cili do të mbajë fjalën gjatë ditës së dytë të punimeve.
Shqipëria është e përfaqësuar në Samit nga Ministri i Punëve të Brendshme Saimir Tahiri.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Punimet e ditës së parë të Samitit bënë një pasqyrë të arritjeve të deritanishme për secilin nga shtetet pjesëmarrëse, duke theksuar nevojën për koordinimin e mëtejshëm, veçanërisht në çështjet që kanë të bëjnë me menaxhimin e kufirit dhe identifikimin e luftëtarëve të terrorizmit.
Gjatë punimeve, u konkludua për të ndërtuar një sistem shkëmbimi të dhënash që të garantojë shpejtësi dhe eficencë në parandalimin e shtetasve që duan t’i bashkohen luftrave terroriste në botë.
Ditën e parë të Samitit e hapi Sekretari i Shtetit John Kerry.