Lajmi Fundit
LajmiFundit, Portal me Lajme nga Shqiperia

Rusi, dhjetë të vdekur pas një aksidenti rrugor në kufirin ruso-ukrainas

aksidentDhjetë persona janë vrarë si pasojë e përplasjes së një minibusi me një kamion në Rusi, disa kilometra nga kufiri me Ukrainën, bëri të ditur sot policia lokale.

Minibusi, që kishte për destinacion Luganskin, një qytet në lindje të Ukrainës përfshirë nga luftimet mes rebelëve prorusë dhe forcave të Kievit, u përplas me një kamion në rajonin Belgorod, në jug të Rusisë, theksoi policia lokale.

Dhjetë pasagjerët e vrarë, mes të cilëve dhe drejtuesi i minibusit, janë të gjithë ukrainas, sipas të njëjtit burim, cituar nga agjencia ruse e lajmeve.

”Aksidenti, që ndodhi rreth 40 kilometra nga kufiri ruso-ukrainas, ka shkaktuar gjithashtu edhe gjashtë të plagosur”, shtoi policia.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet