Rummenigge: Ja kur largohet Guardiola nga Bayerni…!

Drejtori ekzekutiv i Bayern Munchen, Karl-Heinz Rummenigge, ka deklaruar se trajneri Pep Guardiola e ka gati kontratën e re dhe mund ta nënshkruajë kur të ketë dëshirë.

Ditët e fundit ka pasur shumë spekulime në lidhje me të ardhmen e spanjollit, por Rummenigge mohon çdo mundësi largimi. 65-vjeçari ka pranuar se procedurat për rinovimin e kontratës po shkojnë mirë dhe është i bindur se spanjolli do të qëndrojë.
Sipas tij, Guardiola mund të largohet pa asnjë problem në momentin që do t’i japë Bayern Munchenit trofeun e Ligës së Kampionëve. “Synimi ynë parësor mbetet Liga e Kampionëve dhe pasi të na dhurojë këtë trofe Guardiola mund të largohet drejt një skuadre tjetër nëse dëshiron”, ka thënë ai.