Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Vucic: E dimë kush e solli dronin në Beograd, ai flamur u ngrit tek kryeministria në Tiranë

rama-vuciccc1Fluturimi i dronit me flamurin me simbole shqiptare dhe nje harte te Shqipërisë etnike në stadiumin e Beogradit është komentuar sërish nga kryeministrit serb Aleksandar Vuçiç.
Në një intervistë për gazetën austriake Die Presse, i pyetur rreth hetimeve për këtë çështje, numri një i qeverisë në Serbi ka thënë se të dhënat që janë siguruar nga hetimi janë emra shqiptarë, por ka refuzuar të flasë për këtë duke e cilësuar si një tension tashmë të zgjidhur.

“Po, kemi emra, emra shqiptarë. Këta njerëz erdhën nga Italia dhe kanë marrë një dhomë pranë stadiumit. Ishte e organizuar dhe e përgatitur shumë mirë. Por ne e kemi zgjidhur këtë çështje. Unë e kam takuar dy herë kryeministrin shqiptar që atëherë dhe kemi nënshkruar marrëveshje të rëndësishme. Thjesht duhet të imagjinoni këtë: Edi Rama dhe Aleksandër Vuçiç shkojnë së bashku në Bruksel dhe kërkojnë mbështetje për projekte të përbashkëta! Kjo do të ndodhë sivjet”.
Duke folur për Shqipërinë e madhe, Vuçiç tha se Beogradi zyrtar i qëndron deklaratës se Shqipëria e madhe është ende një kërcënim për rajonin.
“Unë e kam parë këtë flamur jo vetëm në stadiumin e Beogradit, por edhe në murin e selisë së kryeministrit të Shqipërisë. Është një flamur shumë i përhapur në zonat e banuara nga shqiptarët. Nëse do thoshte që nuk jam i shqetësuar, nuk do i merrja gjërat seriozisht. Por racionaliteti dhe arsyeja do të mbizotërojnë dhe askush nuk do ëndërrojë për krijimin e një Shqipërie të Madhe. Kështu shpresoj unë të paktën”.
Lidhur me qëndrimet e tij ne konferencën e përbashkët për shtyp, Vuçiç tha se në takimin me dyer të mbyllura me Ramën në Beograd nuk është folur fare për Kosovën. Ai shtoi se reagimi i tij ka qenë i natyrshëm.vizionplus

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet