Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Syriza dhe Grekët e Pavarur pajtohen për koalicion

syrPartia e ekstremit të majtë në Greqi, Syriza ka arritur sot marrëveshje me një parti të krahut të djathtë, për formimin e qeverisë pas fitores në zgjedhjet e së djeshmes. Partia e Grekëve të Pavarur ka njoftuar sot se do ta mbështes liderin e Syriza, Alexis Tsipras, që të jetë kryeministër i Greqisë pasi partia e tij është radhitur e para në zgjedhjet që janë mbajtur dje.

Tsipras ka premtuar se do t’i rinegociojë marrëveshjet e ndihmës për Greqinë. Kjo është hera e parë që një anëtar i Eurozonës, udhëhiqet nga një parti që refuzon masat shtrënguese të imponuara nga BE-ja. Sipas 99 për qind të votave të numëruara deri më tani, Syriza ka fituar gati 36 për qind të votave me çka i ka siguruar 149 vende në parlamentin prej 300 vendesh.

Grekët e Pavarur kanë fituar rretth 4 për qind të votave me çka i kanë siguruar 13 vende. Të dy partitë kanë ngjashmëri përveç qëndrimit të tyre të kundërt rreth kushteve me të cilat Greqia e ka pranuar ndihmën ndërkombëtare dhe ka shpëtuar nga falimentimi në vitin 2010. REL

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet