Protesta e PD, fiken makinat për 5 minuta, Basha: Nis pranvera e protestave

Një pjesë e qytetarëve iu përgjigjen thirrjes së opozitës për të fikur makinat për 5 minuta kudo që ndodheshin.

Ndërkohë kryetari i PD-së Basha, pasi la makinën në rrugë dhe eci në këmbë tha se protesta e sotme është pranvera e protestave.

Basha tha se qytetarë të shumtë anembanë vendit nga Saranda në Shkodër, iu përgjigjen thirrjes së PD-së për të protestuar në mënyrë qytetare.

Për kreun e PD-së një protestë e tillë është për ti treguar qeverisë se nuk mund të luajë si të dojë me fatet e
njerëzve.

Në disa akse të Tiranës kishte trafik të ngarkuar.

Makinat u fikën në Bulevardin “Dëshmorët e Kombit”, në autostradën Tiranë- Durrës.