Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

OKB paralajmëron “sulme terroriste” ndaj objekteve bërthamore

shtyKreu i agjencisë mbikqyrëse bërthamore në OKB ka paralajmëruar se “terroristët” mund t’i sulmojnë objektet bërthamore në vendet ku siguria është e dobët. “Në këtë aspekt, bashkëpunimi ndërkombëtar është shumë i rëndësishëm për shkak se terroristët gjithmonë i kanë në cak vendet e dobëta për nga siguria”, ka thënë sot Yukiya Amano, drejtor gjeneral i Agjencisë Ndërkombëtare të Energjisë Atomike.

Ai iu ka bërë thirrje qeverive që të jenë vigjilente ndaj kërcënimeve të tilla, të cilat ai i ka quajtur si “një çështje shumë serioze”. Ai gjatë fjalimit të tij në Singapor, nuk i është referuar ndonjë kërcënimi apo vendi të veçantë. Në korrik të vitit të kaluar, mediat e kanë cituar ambasadorin irakian në OKB, Mohamed Ali Alhakim dhe Sekretarin e Përgjithshëm të OKB-së, Ban Ki-moon, të kenë thënë se kryengritësit kanë konfiskuar rreth 40 kilogramë përbërje të uraniumit, që po mbahej në Universitetin e Mosulit. REL

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet