Vjedhja e energjisë, 18 të arrestuar, nëntë në kërkim

Policia e shtetit njoftoi se edhe sot ka vijuar  puna e përbashkët e Policisë  së Shtetit dhe OSHEE-së, në të gjithë vendin  për evidentimin dhe vënien para drejtësisë të autorëve të vjedhjes së energjisë elektrike, si dhe për ndërprerjen  e lidhjeve të paligjshme të energjisë elektrike ku janë arrestuar 18 persona.
Sipas burimeve zyrtare mësohet se në  të gjithë vendin gjatë tre ditëve të fundit  kanë vepruar  145grupe të përbashkëta  Polici – OSHEE, çdo ditë.
“Janë kryer kontrolle   të përbashkëta Polici –  OSHEE në 5.119raste. Si rezultat i kontrolleve të kryera në terren  në abonentët biznes dhe familjarë, janë evidentuar  37raste të vjedhjes së energjisë elektrike me  37 autorë. Nga këta janë arrestuar në flagrancë  18 persona të cilët akuzohen për vjedhje të energjisë elektrike”, thekson policia.
Sipas burimeve zyrtare, janë  shpallur në kërkim  9 persona, si dhe ndiqen në gjendje të lirë 10 autorë. “Gjithashtu  janë ndërprerë 3.842 lidhje të abonentve debitorë dhe 37 lidhje të paligjshme si dhe  janë kontrolluar 209 kabina elektrike dhe abonentët që furnizohen nga këto kabina.
Policia e Shtetit dhe OSHEE  janë të vendosur ta çojnë  deri në fund punën e nisur ,  deri në shkëputjen e fundit të lidhjeve të paligjshme, duke përballur  me forcën e ligjit të gjithë ata persona, të cilët abuzojnë me energjinë elektrike, duke e vjedhur atë, qofshin këta përfaqësues biznesesh, individë, apo punonjës të vetë OSHEE-së, theksohet në deklaratë.