Gaga duet me Adele?

Prej kohësh qarkullojnë zërat se Lady Gaga dhe Adele po përgatiten për të regjistruar së bashku një duet, që mund të dalë në treg brenda këtij viti.

E për të shtuar dozën e këtyre zërave ka menduar vetë këngëtarja amerikane e cila ka postuar në Instagram një foto me këngëtaren britanike me mbishkrimin.

“Asgjë si një e mërkurë me mikeshën time të bukur Adele”, ka shkruar ajo.

Fotoja mendohet se është shkrepur në banesën e Lady Gaga në Los Anxheles. Pikërisht këtu Adele ka zbarkuar që në fillim të vitit për t’i dhënë dorën e fundit albumit të saj të radhës, pas një shkëputje të gjatë nga tregu muzikor.