O’Neal bëhet polic, punon pa rrogë

Njëri nga basketbollistët më të mirë në histori të NBA, Shaquille O’Neal, do të fillojë punën si polic në qytetit Doral të Floridës.

Katër herë kampioni i NBA, i cili e ka përfunduar karrierën në vitin 2011, i ka kryer trajnimet për polic dhe tashmë e ka dhënë edhe betimin zyrtar.

42-vjeçari do të bëjë punën e policit për t’u shërbyer si model të rinjve, ndërsa nuk do të marrë rrogë.

O’Neal e ka provuar ndjesinë e të qenit polic edhe në komedinë “Grown Ups 2”, ndërsa tash do ta bëjë në jetën reale.

Ndryshe, gjatë karrierës 20-vjeçare si basketbollist, O’Neal ka luajtur për Orlando Magic, Los Angeles Lakers, Miami Heat, Phoenix Suns, Cleveland Cavaliers dhe Boston Celtics.