Ligji antiduhan, 350 mijë lekë gjobë për 4 lokale në Durrës

Inspektorati Shtetëror Shëndetësor në bashkëpunim me Autoritetin Kombëtar të Ushqimit kryen të enjten në Durrës një sërë inspektimesh në kuadër të zbatimit të vazhdueshëm të ligjit “Për mbrojtjen e shëndetit nga produktet e duhanit”.

Inspektimi i sotëm ishte pjesë e planit të punës të inspektimeve të përbashkëta që kanë filluar me Tiranën dhe do të shtrihen në të gjithë territorin e vendit nga ana e institucioneve të sipërpërmendura, njofton AKU.
Në inspektimin e sotëm u morën 4 masa administrative me vlerë 350 000 lekë të reja për 4 lokale, ku nuk zbatohej ligji në fjalë. Inspektimi u ndoq nga afër nga kryeinspektori i Inspektoratit Shtetëror Shëndetësor, Eltar Deda dhe Drejtori i Autoritetit Kombëtar të Ushqimit, Afrim Bakaj, të cilët theksuan vendosmërinë e institucioneve për zbatimin e ligjit “antiduhan” në mënyrë konstante në të gjithë vendin.
Deda u shpreh se, ngritja dhe funksionimi i strukturave lokale të ISHSH do të thotë përmirësim i mëtejshëm i një pune të filluar mirë në të gjithë vendin. “Për shkelësit e ligjit toleranca do të jete zero dhe zbatimi i ligjit është i njëjtë për të gjithë”, theksoi ai