Tahiri: Kujdes me qarkullimin rrugor! Respektoni rregullat ose gjobiteni

Ministri i Brendshëm Saimir Tahiri shfrytëzoi hyrjen në fuqi të sanksioneve të reja për shkeljen e rregullave të Qarkullimit Rrugor për të komunikuar me publikun. Gjatë një takimi të mbajtur në ambientet e Drejtorisë së Përgjithshme të Policisë së Shtetit, Tahiri deklaroi se qytetarët duhet të sensibilizohen dhe të respektojnë rregullat e qarkullimit rrugor. Sipas tij, rregullat nuk janë për të cënuar qytetarët por për ti mbrojtur ata nga aksidentet. Sipas parashikimeve ligjore, kushdo që do të shkelë me të kuqe semaforin do të gjobitet nga 20 -30 mijë lekë të reja. Nëse shkelja e semaforit do të përsëritet brenda 2 vjetësh, gjoba do të jetë nga 50 mijë në 100 mijë lekë dhe do të shoqërohet me pezullim të lejes së drejtimit nga 9 deri në 12 muaj.