Lajmi Fundit
Portali Lajmifundit sjell Lajme nga Shqiperia, informacionet e fundit, lajmeshqip, lajmet, lajm nga vendi, lajme nga kosova, lajme rajoni, bota, live te fundit news 24

Meta takon Gruevskin: Sa më shpejt hekurudha që lidh Shqipërinë me Maqedoninë

meta gruevskiNë kuadër të vizitës së tij zyrtare në Maqedoni, Kryetari i Kuvendit z. Ilir Meta u prit sot në Shkup nga Kryeministri i Maqedonisë, Nikola Gruevski. Kryetari i Kuvendit të Shqipërisë, z. Meta dhe Kryeministri i Maqedonisë z. Gruevski biseduan mbi intensifikimin dhe konkretizimin e bashkëpunimit mes dy vendeve duke vënë theksin në forcimin e ndërlidhjeve infrastrukturore dhe energjetike, si dhe të shkëmbimeve tregtare e njerëzore mes dy vendeve fqinje si një domosdoshmëri ekonomike e kulturore.

Në këtë kuadër, z. Meta dhe z. Gruevski vunë theksin në rëndësinë e realizimit sa më të shpejtë të hekurudhës që lidh Shqipërinë me Maqedoninë duke e konsideruar atë si një emergjencë strategjike si për Tiranën ashtu edhe për Shkupin, dhe si një hallkë të fortë të Korridorit 8 që i shërben tërë rajonit.

Kryetari i Kuvendit, z. Meta u shpreh se në kuadër të rritjes së cilësisë së bashkëpunimit dypalësh dhe të avancimit me projektet ndërkufitare, Kuvendi i Shqipërisë mbështet mbledhjet e përbashkëta dhe bashkërendimin e punës mes dy Qeverive të Shqipërisë dhe Maqedonisë, që do t’i shërbejë procesit të integrimit evropian të të dy vendeve fqinje.

Në përfundim, Kryetari i Kuvendit Meta rikonfirmoi mbështetjen e pakursyer të Shqipërisë për anëtarësimin e Maqedonisë në NATO dhe ndau bindjen e përbashkët me Kryeministrin Gruevski se sfidat e terrorizmit ndërkombëtar në Evrope kërkojnë një bashkërendim më të madh mes të gjitha vendeve të rajonit të Evropës Juglindore, ku Shqipëria dhe Maqedonia kanë një peshë të veçantë.

Anetaresohuni ne Forumin e LajmiFundit.al dhe diskutoni e postoni lirisht per te gjitha temat qe deshironi!

Pergjigju

Adresa juaj e-mail nuk publikohet