Adoleshentët: Videoja e ngacmimit seksual në QSUT, u regjistrua për lojë

Aktualitet

skandali-seksual-qsutDy adoleshentet e arrestuar dy ditë me pare per videoskandalin seksual ne QSUT, Albi Bocaj dhe Patrik Kacaj te akuzuar për moskallëzim krimi kanë thënë se nuk e dinin që videoja përbënte shkelje ligjore.

Policia e ka zgjeruar rrethin e personave të përfshirë në këtë histori ku janë shpallur në kërkim Dejvi Lamaj, 18 vjeç dhe një 18-vjeçar tjetër.

Në deklaratën e tyre në polici, dy të rinjtë e arrestuar Albi Bocaj dhe Patrik Kacaj kanë pohuar se nuk e kishin imagjinuar që një filmim i nisur si lojë do të shkaktonte një impakt kaq të madh në publik.

“Ne nuk e kemi regjistruar videon dhe se nuk kemi bërë asnjë ngacmim ndaj shoqes sonë”, mësohet të kenë deponuar përpara hetuesve personat e akuzuar për videoskandalin.

Nesër pritet që të rinjtë të dalin përpara togave të zeza ku do t’i caktohet edhe masa e sigurisë që do të kërkojë organi i akuzës.

ME TE LEXUARAT