Shkatërrohet laboratori i drogës, në kërkim 2 vëllezërit në Gjirokastër
Policia e Gjirokastrës ka goditur një tjetër rast të kultivimit të lëndëve narkotike. Në operacionin policor është zbuluar dhe shkatërruar një magazinë që përdorej për kultivimin e drogës me llamba elektrike. Si rezultat i këtij operacioni janë shpallur në kërkim dy vëllezër:
-T. V., 38 vjeç, banues në Gjirokastër.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
-H.V., 47 vjeç, banues në Gjirokastër.
Shpallja në kërkim e këtyre dy shtetasve u bë pasi në zonën "Industriale" të qytetit Gjirokastër, në një magazinë të cilën e kishin marrë me qira dy vëllezërit, u konstatuan 6 dhoma ne katin e parë të magazinës të përshtatura për kultivim të bimëve narkotike me anë të llambave elektrike.
Në këto dhoma u gjetën dhe u sekuestruan 28 thasë plastike me lëndë e dyshuar narkotike Cannabis Sattiva.
Gjithashtu në vendin e ngjarjes u sekuestruan në cilësinë e provës materiale pajisje elektrike për ngrohje si dhe 16 filtra për filtrimin e ajrit, pajisje ventilimi, 100 llamba, si dhe pajisje të tjera ndihmëse të ishin në funksion të rritjes së bimës narkotike.
Gjithashtu nga policia dhe punonjësit e OSHEE-së është konstatuar dhe vjedhja e energjisë elektrike nga dy vëllezërit.
Materialet do t’i kalojnë Prokurorisë së Rrethit Gjyqësor Gjirokastër për veprat penale “Përdorim të paligjshëm të teknologjisë së lartë” dhe "Prodhim dhe shitje a narkotikëve" dhe "Vjedhje të energjisë elektrike", parashikuar nga nenet 286/a dhe 283/2 e 137 të Kodit Penal.