Barcelona mposht Valencian, asist Realit për vendin e tretë

Sport

Pas eliminimit të befasishëm dhe të rëndë në Champions League, për shkak të humbjes 3-0 në Romë, Barcelona rigjeti qetësinë në kampionat, ku nuk njeh humbje prej 32 javësh, teksa sot iua afrua edhe më shumë titullit.

Në sfidën me Valencian në “Camp Nou”, për skuadrën e Valverdes shënuan Suarez dhe Umtiti, të dy pas asisteve të Coutinhos, ndërsa Valencia ngushtoi diferencën në minutën e 86′, pas një penalltie të ekzekutuar saktë nga Dani Parejo.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Me këtë fitore, Barcelona çon përkohësisht në 14 pikë distancën nga Atletico ndjekëse, ndërsa çështja e titullit është e hapur vetëm matematikisht.

Nga ana tjetër, për fitoren e Barcelonës ka gëzuar edhe Reali, që mund të përfitojë dhe t’i marrë Valencias vendin e 3-të të renditjes, nëse fiton nesër ndaj Malagas.

ME TE LEXUARAT