KLGJ e pezullon: Gjyqtari i Fierit cënoi rëndë imazhin e drejtësisë

Kliko per me shume info

Këshilli i Lartë Gjyqësor me unanimitet votash ka pezulluar nga detyra gjyqtarin e Gjykatës së Fierit, Roland Hysi, i cili i ka kërkuar marrëdhënie seksuale dhe para një gruaje të divorcuar për t’i dhënë kujdestarinë e fëmijës.

Gjatë mbledhjes anëtarët e KLG shprehën vendosmërinë për të luftuar pa asnjë kompromis çdo akt apo sjellje që diskrediton rëndë figurën e gjyqtarit.

Kliko per me shume info

Ndërkohë 50-vjeçari Hysi dhe psikologja Elona Meçani u arrestuan ditën e djeshme dhe të dy akuzohen për veprat penale “Korrupsioni pasiv i gjyqtarëve prokurorëve dhe funksionarëve të tjerë të organeve të drejtësisë” dhe “Ushtrimi i ndikimit të paligjshëm të personave që ushtrojnë funksione publike”.

Ata u arrestuan pas transmetimit mbrëmjen e së martës të një kamere të fshehtë në një emisionin investigativ, ku gruaja, denoncuese tregoi gjithë kalvarin që i është dashur të përballojë, duke blerë me euro fëmijën e saj.

Gjyqtari i Fierit Roland Hysi i kërkon seks për t’i dhënë kujdestarinë e fëmijës. Po kështu zonja i jep psikologes 500 euro për Hysin, duke i premtuar edhe 500 euro të tjera në mbyllje të gjyqit.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.