Do habiteni! Ja për çfarë i shpenzojnë të pasurit paratë

Soft

Janë të shumtë individët që kanë pasuri "të çmendur" në llogaritë e tyre bankare. Shpenzimet e tyre janë kolosale, ku të gjithë bëjnë një jetesë luksoze.

E disa prej tyre u pëlqen që të investojnë nëpër biznese të ndryshme apo edhe për bamirësi. Llogaritë bankare e individëve të pasur, është rritur me 2% që nga viti i kaluar. Këtë e ka raportuar "Ëealth-X", një kompani që gjurmon pasurinë globale.


Në vitin 2018 kishte 23 milionë individë me vlerë të lartë neto të kombinuar me një vlerë neto prej 62 trilionë dollarësh.

Për çfarë i shpenzojnë paratë e tyre?

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Njerëzit më të pasur në botë japin shumë nga paratë e tyre. Bamirësia është një nga prioritetet e të pasurve. Këtë e kemi parë edhe nga kronikat e publikuara në rrjetet sociale si Facebook apo Instagram.

Me këto vepra, këta njerëz u shtojnë pikë vetes së tyre, duke rritur edhe numrin e ndjekësve e më pas duke u shndërruar në njerëz publikë. Ka edhe nga ata persona ku bamirësinë e kanë pasion dhe e bëjnë sepse e ndiejnë, por nuk ndodh edhe përjshtimi i pjesës tjetër që e bëjnë për pak vëmendje mediatike.

Kush janë njerëzit më të pasur?

Shumica e të pasurve janë ende burra. Vetëm 16% e individëve me vlerë të lartë neto janë femra. Më shumë se 40% e tyre jetojnë në Amerikën e Veriut, ndërsa një e katërta jetojnë në Europë dhe një pjesë tjetër janë në Azi.

Shtetet e Bashkuara kanë më shumë individë me vlerë të lartë neto, ndjekur nga Kina, Japonia, Gjermania dhe Mbretëria e Bashkuar. 10 vendet e para përbënin tre të katërtat e popullsisë globale me vlerë të lartë neto, dhe vetëm nën tre të katërtat e pasurisë së përgjithshme me vlerë të lartë në vitin 2018.

Qyteti i Nju Jorkut ka numrin më të madh të individëve me mirëqenie të lartë ndjekur nga Hong Kongu.

Por këtu nuk përjashtohet as Shqipëria, pasi janë të shumtë njerëzit e pasur. Këta të fundit kanë bërë edhe vepra bamirësie ku i kemi ndjekur edhe në rrjetet sociale, apo edhe në faqet e tyre personale. Kultura për të bërë bamirësi në Shqipëri është paksa më i tkurrur si fenomen, kjo pasi edhe vetë shoqëria shqiptare është e varfër ekonomikisht.

Pavarësisht të gjithave, sensibilizimi ndaj rasteve ekstreme, ku familje nga më të ndryshmet jetojnë në varfëri të skajshme, duhet thënë se shqiptarët e ndihmojnë shumë njëri-tjetrin. Shumë raste për ndihmë, janë publikuar edhe nga redaksia JOQ Albania dhe është vënë re që ka një shtim të sensibilizimit nga ana e njerëzve të thjeshtë që nuk kanë edhe shumë të ardhura.

Mesa duket ndjenja e mirë është më shumë nga personat që nuk kanë shumë gjëra në dorë, por që kanë dëshirat e mira dhe zemrën e bardhë.

Si i bënë paratë e tyre?

Vetëm një përqindje e vogël e njerëzve më të pasur në botë i kanë trashëguar paratë e tyre. Shumica janë përgjegjës për krijimin e një pjese ose të gjithë pasurisë së tyre, sipas raportit. 84% e individëve me vlerë të lartë janë bërë vetë të tillë.

Vetëm rreth 5% kanë trashëguar plotësisht paratë e tyre dhe rreth 12% kanë një pasuri që kombinon pasuri të trashëguar dhe të bërë vetë.

Raporti thekson se ndërkohë që pabarazia është rritur në dekadat e fundit, gjatë shekujve të fundit pasuria e trashëguar ka rënë dhe përqindja e individëve të pasur, të cilët e kanë bërë vetë veten të pasur vazhdon të rritet.

Ndër industritë që punojnë njerëzit e pasur janë, financa, biznesi dhe investimi, të cilat renditeshin të parat sipas raportit, ndjekur nga prodhimi, teknologjia, shërbimet e biznesit dhe ndërtimi.

ME TE LEXUARAT