18 kg mall/ Shkatërrohet banda kriminale

Aktualitet

Hetimet e Guardia di Finanza të Firences kanë çuar në arrestimin e 11 personave, italianë e shqiptarë, të akuzuar për trafik droge nga veriu i Evropës në Lombardi e Toscana.

Janë sekuestruar 520 kilograme marijuanë dhe 18 kilograme kokainë.

Trafiku ndërkombëtar i goditur nga Guardia dhe Prokuroria e Firences kryhej me anë të autobusëve të linjës që manaxhonte një shoqëri milaneze dhe që udhëtonte në itinerarin Holandë-Belgjikë-Milano.

Droga, sidomos kokaina, fshihej në një hapësirë poshtë shkallëve të brendshme të autobusit me dy kate dhe që ishte e aksesueshme vetëm përmes procedurave të ndërlikuara elektronike.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Droga transportohej bashkë me pasagjerët e rregullt të linjës. Hetimet, të koordinuara nga zëvendësprokurori i Firences, Giulio Monferini, kanë individualizuar si kapo të organizatës një shqiptar me banim në Prato, të cilit i referoheshin të gjithë bashkëpunëtorët e tjerë të organizatës.

Është arrestuar edhe titullari i firmës së transportit dhe dy nga shoferët, të gjithë italianë.

Një nga subjektet e përfshirë ka rezultuar i lidhur edhe me ’ndranghetan dhe është arrestuar më 2013, duke u dënuar për transportimin e 17 kileve hashash, gjithmonë me autobus.

Në hetimin me emrin e koduar ‘Bus Lijnen’ (Linja autobusi, në gjuhën flamande) janë dokumentuar 17 raste transportimi të drogës (që vinte nga Amerika e Jugut) nga Holanda në Itali.

ME TE LEXUARAT