Ngjela: Opozitën e kanë rrëzuar, tani është radha e Ramës
Avoktati Spartak Ngjela ka reaguar në lidhje me protestën e studentëve. Në një analizë, të publikuar në rrjetet sociale, avokati Ngjela shkruan se ata po protestojnë kundër korrupsionit 26-vjeçar, ndërsa rendit edhe përparësitë e studentëve.
“Protesta e studentëve, pas 26 vjetësh abuzim qeveritar në Shqipëri, krijon impaktin e parë pozitiv, në një kohë të karakterizuar nga banditizmi dhe korrupsioni. Kjo kohë ka sjellë një gënjeshtër qeveritare dhe degradim të Shqipërisë.”-shkruan Ngjela.
Sipas Ngelës, “Te kjo protestë sot është drejtuar vëmendja e të gjithë shqiptarëve që kanë kërkuar t’iu rikthehet atdheu i tyre.
Shqiptarëve ua ka grabitur atdheun një aradhë gangsterësh që po i qeveris në 26 vjet.”
Më tej, Ngjela thekson se “opozita e korruptuar që u afrua, u izolua me përbuzje. Studentët ndërkohë e kanë rrëzuar opozitën.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Tani po pritet rrëzimi i Ramës.”
Ananliza e plotë:
Protesta e studentëve, pas 26 vjetësh abuzim qeveritar në Shqipëri, krijon impaktin e parë pozitiv, në një kohë të karakterizuar nga banditizmi dhe korrupsioni. Kjo kohë ka sjellë një gënjeshtër qeveritare dhe degradim të Shqipërisë.
I. Te kjo protestë sot është drejtuar vëmendja e të gjithë shqiptarëve që kanë kërkuar t’iu rikthehet atdheu i tyre.
Shqiptarëve ua ka grabitur atdheun një aradhë gangsterësh që po i qeveris në 26 vjet.
Po studentët?
Këta e kapën degradimin e gjendjes me instiktin e rinisë që kërkon të ardhmen, duke shkelmuar tërësisht të tashmen.
A do të shkojë deri në fund ky shkelmim?
Jam i bindur se po.
Cilat janë përparësitë e studentëve?
E para: frika e korrupsionit qeveritar në të dy krahët e politikës shqiprare.
E dyta: qartësia që iu ka dhënë koha për kërkesat e tyre të paraqitura çdo ditë në rritje.
E treta: kapja e situatës nga i gjithë studentatati i universiteteve publike që, shtrëngimi i tyre financiar, është pasojë e korrupsionit të qeverisë aktuale, dhe e të gjitha qeverive që kanë kaluar në 26 vjet.
II. Çfarë janë në thelb kërkesat e studentëve?
Ato kuptohet se kanë qëndrim të hapur antikorrupsion. Studentët si trupë gjigande e kuptuan që po vidheshin nga politika ministritrore dhe kryeministrore, e bashkuar në vjedhje me rektoratet. E kuptuan që mësimdhënia ishte biznes për fitime dhe jo instrument për të dhënë dije dhe profesion.
Nga i vjen studentatit shqiptar ky kthjellim që duket si i studiuar në kohë?
Po qeveria aktuale?
Tani që studentati publik shqiptar me mbi 40 mijë studentë e di dhe është kundër të vërtetës abuzive qeveritare, i vetmi akt që ka në favor kjo qeveri, është dorëheqja e kryeministrit, sepse studentati e ka kapur në vjedhje dhe në abuzim kundër tyre. Studentët e protestës masive kanë forcë të madhe potenciale të cilën po e hedhin në akt me mënçuri.
Socialistët kanë vetëm një rrugë: qeveria aktuale është kapur në korrupsion nga masivi studentor i universiteteve publike, prandaj ata duhet të paraqesin në Parlament qeverinë që do të pranojë të gjitha kushtet e studentëve, dhe të bëhet nga anëtarë qeverie dhe një kryeministër që nuk kanë asnjë përfolje për korrupsion.
Po, nisur nga formimi psikik problematik që ka, a mund ta japë Rama dorëheqjen?
Rama tani është i trembur.
Kurse opozita e korruptuar që u afrua, u izolua me përbuzje. Studentët ndërkohë e kanë rrëzuar opozitën.
Tani po pritet rrëzimi i Ramës. Nëse Rama do të vijojë në jerm të mendojë me autosugjestionim se do të gënjejë studentët, thjesht do të përfundojë si përcaktimi që ka bërë shkrimtari Henry Miller: like a ghost moving about in a vacuum – si një fantazëm që lëviz nëpër boshllëk.
Të shohim.