Si e njeh Fieri, Fredi Alizotin, ‘të penduarin’ që po shpëton vëllanë e ministrit Xhafaj

Deputeti i Partisë Demokratike për qarkun e Fierit, Luan Baçi, deklaron se e njeh mirë Fredi Alizotin, personi që akuzohet se ka bërë manipuluar zërin e Agron Xhafës në një video përgjimi, por njëkohësisht edhe personi që deklaroi pak ditë më par në një tjetër video se eksponentë të lartë të policisë dhe të Partisë Socialiste i kanë ofruar një shumë të madhe parash për të thënë që e ka manipuluar ai këtë zë.

I ftuar mbrëmë në emisionin “Debati në Channel One” të gazetarit Roland Qafoku, deputeti Baçi tha se i gjithë Fieri e njeh Alizotin si “Fred hajduti” dhe figura e tij është diskretituese në këtë qytet dhe gjetkë dhe policia duhet të mbajë përgjegjësi që ka marrë një hajdut në pyetje.

Kliko per me shume info

“Shumë lokale të Fierit e njohin se vete dhe u kërkon ndonjë 10 mijë lekëshe. Ai është hajdut ordiner. Unë vetë disa herë i kam dhënë para. Më kërkonte lekë dhe i kam dhënë disa herë 10 mijë lekëshe Fred hajdutit, se kështu e njeh qyteti”, tha deputeti Baçi i cili njëkohësisht është edhe kryetari i degës së PD në Fier.

Baçi sqaroi se nuk është e vërtetë që Albert Veliu e ka kunat Alfred Alizotin. “Unë i njoh mirë të dy, sepse e ëma e Veliut është nga Fieri dhe është familje e nderuar, por nuk Babalja nuk ka asnjë lidhje me Fredi Alizotin”, tha Baçi.

Fredi Alizoti është dëshmitar i prokurorisë. Ai i doli përzot audio-përgjimit të vëllait të ministrit të Brendshëm duke thënë se “kam qene unë ai që kam bërë rolin e Agron Xhafës në biseden telefonike me Albert Veliun (Babalja)”.

Kësisoj pak ditë më parë, Prokuroria e Krimeve të Rënda mbylli hetimet dhe çoi nën akuzë Fredi Alizotin dhe Albert Veliun (ky i fundit do vije nga Kosova). Sakaq nën akuzë është dhe gazetari Olldashi që publikoi audio-përgjimin.

Pasi çështja mbërriti në gjykatë, deputeti i PD, Ervin Salianji deligjitimoi dëshmitarin e prokurorise, duke publikuar nje video-pergjim në “Opinion”, ku Fredi Alizoti tregonte se i është bërë shantazh për të pranuar se ka qenë aktor në audio-përgjim.

1 COMMENT

  1. Ore po ky Luan Baçi kush eshte qe flet ne emer te Fierit, po ky vet a e di se ça mendon Fieri per veten e tij???

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.