Kapet biznesmeni turk, 6 të dyshuar për laboratorin në Has
Shkon në 6 numri i të arrestuarve, pas zbulimit të laboratorit të heroinës në fshatin Bernog të Hasit. Në pranga ka përfunduar edhe një biznesmen turk, i cili kishte njohje me Xhevit Shytin i cili ka qenë i arrestuar në Turqi për trafik narkotikësh.
Burimet thonë se operacioni, i ndërmarrë në bashkëpunim me agjencitë ligjzbatuese në rajon dhe Evropë është ende në vijim. Në Shqipëri në pranga janë vënë 6 persona 3 prej të cilëve nga familja Shuti, në banesën e të cilëve u gjet laboratori i drogës.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Të arrestuarit:
1-Vehbi Barushi
2-Xhevit Shuti
3-Anila Shuti
4-Mustafe Shuti
5-Flamur Çela
6-Shtetasi turk
Mëngjesin e së premtes forcat speciale të policisë vunë në pranga 3 anëtarë të familjes Shuti si edhe 160 kallëpet e heroinës të mbështjellë me natriban gati për transport, lëndë narkotike në perpunim, aceton etj. Policia sekuestroi gjithashtu edhe nje sasi te konsiderueshme opiumi, bime kjo baze per krijimin e heroines.
Kjo lëndë dyshohet se ka ardhur nga Turqia. Me ndihmën e disa shtetasve nga Gjakova, të identifikuar nga policia ajo mbërrinte në këtë fshat të Hasit ku kthehej në heroinë. Dyshimet e policisë janë se me pas ajo transportohej për në Durres me destinacion final vendet e Evropës./bw