Kur shpallen fituesit e kredive të buta? Bashkia jep afatin

2500 dosje të “kopsitura” nga qytetarët e Tiranës të interesuar për kredi të butë po shqyrtohen nga Drejtoria e Strehimit të kryeqytetit. Pas mbylljes së afatit për dorëzimin e dokumentacionit të nevojshëm në muajin Gusht, Drejtoria e Strehimit pranë Bashkisë së Tiranës po verifikon të gjitha dokumentet dhe po aplikon sistemin e pikëzimit për të shpallur edhe fituesit.

Në total do të jenë 500 fitues që do të mund të përfitojnë kredi me normë interesi 3 për qind. Burime zyrtare nga Bashkia e Tiranës bëjnë me dije se lista e fituesve është parashikuar të miratohet në mbledhjen e Këshillit Bashkiak të muajit Nëntor. Bashkia e Tiranës ka hapur aplikimet për 500 kredi të buta më datën 16 Prill. Kusht kryesor për të përfituar kredi, janë të ardhurat. Një familje e vogël me 1-2 persona duhet të ketë të ardhura mujore të deklaruara 44 mijë deri në 80 mijë lekë në muaj.

Kliko per me shume info

Ndërsa për ato me më shumë se 5 persona, që mund të kenë në pronësi një banesë nën normat e strehimit dhe kërkojnë të sigurojnë një banesë 3+1, duhet të kenë të ardhura mujore nga 88-158 mijë lekë në muaj. Bashkia subvencionon interesat e kredisë, duke bërë që qytetari të përfitojë normë të pandryshueshme interesi me 3 për qind./SCAN

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.