Aksioni 6 mujor, Rama: Shqipëria, e pastër me hir a me pahir!

Politikë

Kryeministri Edi Rama ka prezantuar sot aksionin për pastrimin e Shqipërisë që do të zgjasë 6 muaj.

Rama thotë se pastrimi do të bëhet i mundur “me hir a me pahir”.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Shqipërinë do ta bëjmë një vend që të rrezatojë pastërti, me hir dhe me pahir. Me hir sëbashku me të gjithë ata që Shqipërinë e duan të pastër jo vetëm me llafe, por janë gati të kontribuojnë për të dhe me pahir ndaj çdokujt që Shqipërinë e do të pastër, vetëm kur bën ato komentet në Facebook dhe është gati sapo mbyll iPhone të hedhë bananen që është duke ngrënë ndërkohë bën komente”.

Gjatë prezantimit të aksionit kombëtar për pastrimin e mjedisit: “Pastrojmë Shqipërinë që duam”, Kryeministri tha se duhet edukim shoqëror për mirëmbajtjen e mjedisit dhe penalizim dhe ndërgjegjësim për ndotësit.

Kryeministri tha se aksioni që do të nisë me 24 nëntor do të përfundojë vetëm pas 6 muajsh, me 24 maj të vitit 2018, kur edhe do të pastrohet i gjithë vendi para nisjes së sezonit turistik.

“Çdo ditë do të jemi të angazhuar në këtë operacion në çdo nivel në mënyrë që Shqipëria turistike e sezonit të ardhshëm të jetë e lehtësuar nga barra e plehrave në trupin e vet. Në këto 6 muaj do të bëjmë ndërhyrje të rëndësishme për të ndërtuar mekanizma efikase që pas një viti të mos jemi prapë në këtë situatë.”

Duke folur për mbi 9000 spotet e mbeturinave në një vend kaq të vogël si Shqipëria, Rama tha se asnjë nuk duhet të flejë i qetë derisa ta shikojmë këtë numër të zbresë në zero.

“Unë jam shumë besimpolotë se duke përfshirë policinë e shtetit në këtë proces, situata do të ndryshojë rrënjësisht siç ndryshoi me ndërtimet pa leje.”

Gjendjen aktuale, Rama e quajti turp kombëtar.

“Ky është një turp kombëtar të cilin duhet ta heqim nga fytyra e vendit tonë dhe secilit prej nesh. Do të bëjmë gjithçka, ne nuk mund të bashkëjetojmë me këto vatra sëmundjesh.”

ME TE LEXUARAT