5 moderatore të njohura që mbetën pa emisione këtë sezon

Sezoni i ri televiziv që nisi këtë shtator solli ndryshime të mëdha në ekranin shqiptar. Përveç ndryshimit të programeve që do të na mbajnë të mbërthyer çdo ditë para televizorit, u bë edhe merkato e moderatorëve. Disa prej tyre ndërruan televizion, duke nisur eksperienca të reja me një frymë të re dhe energji për të punuar, ndërsa të tjerë mbetën jashtë projekteve për këtë sezon. Këto janë emrat e moderatorëve shqiptarë që ky sezon i ri televiziv i gjeti pa asnjë emision të vetin.

Marina Vjollca

Kliko per me shume info

Pas përfundimit të ‘C’est la vie’, Marina Vjollcën nuk e pamë më në ekran dhe të gjithë mbetën kuriozë se ku do të shfaqej këtë sezon të ri moderatorja. Megjithëse sezoni televiziv ka filluar, Marina nuk është shfaqur në asnjërën prej promove të emisioneve dhe nëpërmjet postimeve në Instagram ka bërë të ditur se së bashku me bashkëshortin, Getoarin, janë larguar për disa pushime jashtë vendit. Mesa duket, ajo ka vendosur që këtë sezon të ri televiziv të qëndrojë larg ekranit dhe të shijojë jetën martesore.

Arjola Shehu

Moderatorja e emisionit ‘Kush vjen për drekë’, Arjola Shehu, këtë sezon të ri u largua nga Tv Klan. Megjithëse u kap mat në Top Channel dhe u aludua për lidhjen e një kontrate të re, duket se Arjola këtë sezon të ri televiziv ka mbetur pa emision.

Juli Kristafi

Moderatorja e ‘Pasdite në Top Channel’, Juli Kristafi, këtë sezon të ri nuk do të na shoqërojë më në ekran. Në vend të saj ka ardhur Bieta Sulo, e cila ka nisur emisionin e ri të pasdites, ‘Ftesë për 5’.

Xhani Shqerra

Gjithashtu moderatori i njohur i ‘Living’, Xhani Shqerra, këtë sezon të ri televiziv është larguar nga emisioni të cilin e prezantonte prej shumë kohësh. Vendin e tij e ka zënë Arjon Muça, i cili do të moderojë krah Bunilda Lahes.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.