EMRI/ U mbyt në ujërat e lumit Mat, gjendet trupi i 46-vjeçarit

Aktualitet

Pas disa orësh kërkimesh është gjetur trupi i 46-vjeçarit Arben Marku, i cili u mbyt në lumin e Matit. Ngjarja ndodhi pasditen e sotme në vendin e quajtur ‘Ura e Shkopetit’, ndërsa viktima kishte hyrë për t’u larë në lumë, por nuk kishte arritur të dalë nga uji duke humbur jetën.

“Në vijim të informacionit paraprak ku rreth orës 15:30, është njoftuar Salla Operative Kurbin se shtetasi A.M. 46 vjeç, banues në Skuraj është hedhur për tu larë në lumin Mat nga vendi i quajtur “Ura e Shkopetit” ( urë provizore) dhe nuk ka dalë më në breg, u bë i mundur gjetja dhe nxjerrja e trupit të tij, pa shenja jete. Nga kqyrja paraprake, nuk janë konstatuar shenja dhune apo të ndonjë dukurie tjetër fizike në trupin e tij.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Vazhdojnë hetimet për zbardhjen e plotë të rrethanave të ngjarjes”- thuhet në njoftimin e policisë.

ME TE LEXUARAT