Vettingu, KPK shkarkon nga detyra gjyqtarin e Kushtetueses Gani Dizdari

Aktualitet

Komisioni i Pavarur i Kualifikimit ka shkarkuar nga detyra gjyqtarin kushtetues Gani Dizdari.

KPK-ja u bazua në dy kritere: atë të figurës dhe pastërtisë për vendimin.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Të enjten, gjyqtari kushtetues Gani Dizdari nuk ishte i pranishëm në seancën dëgjimore të vettingut. I fundmi i gardianëve të Kushtetutës kishte zgjedhur avokatin Sokol Hazizaj për ta mbrojtur para Komisionit të Pavarur të Kualifikimit. Dy nga komponentët që e vendosnin në rrezik karrierën e gjyqtarit kushtetues ishin pikërisht pastërtia e figurës dhe asetet pasurore. Në lidhje me pastërtinë e figurës, Gani Dizdari u deklarua nga KPK-ja se ka lidhje të papërshtatshme me një person të dënuar për ushtrim të ndikimit të paligjshëm. Ky shtetas, në fakt është nipi i tij.

Me shtetasin Agron Lumneshi, që është djali i motrës së gjyqtarit kushtetues, Dizdari ka kontakte të papërshtatshme sipas vettingut. Si provë shtesë u sollën të dhënat e sistemit “TIMS” mbi udhëtimet e përbashkëta të tyre.

Emri i Lumneshit, i dënuar për ushtrim të ndikimit të paligjshëm, është bërë i njohur vite më parë, atëherë kur gjyqtari ishte anëtar i Gjykatës së Lartë. Por, avokati i Gani Dizdarit kundërshtoi gjetjet e KPK-së, jo vetëm sepse ndikimi i paligjshëm është një akuzë që nuk u përket individëve të krimit të organizuar.

ME TE LEXUARAT