Raporti: Shqipëria, prodhuesi kryesor i kanabisit në Europë

Aktualitet

Shqipëria ishte prodhuesi kryesor për shumicën e tregjeve të marijuanës në Itali dhe Evropë më 2017, sipas një raporti të publikuar javën e kaluar nga Departamenti Qendror i Shërbimit anti-drogë në Itali.

‘Importi i marijuanës nga Shqipëria është rritur në mënyrë domethënëse, duke arritur një rekord sekuestrimesh prej mbi 900 tonë më 2017, krahasuar me 41 tonë më 2016’, thotë raporti vjetor, i cili shton se ‘trendi i konfiskimeve në Itali është i lidhur me kultivimin e marijuanës në Shqipëri’.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Për më tepër, publikimi vë në dukje se viti 2017 shënoi ‘kapjen më të madhe që ka ndodhur ndonjëherë në rajonin e Le Marche (zona e Anconas – SYRI.net), baras me tetë tonë marijuanë të destinuar për Evropën veriore’.

‘Klanet shqiptare kanë treguar se kanë rritur aftësitë manaxhuese në kultivimin dhe trafikimin e marijuanës’, vazhdon raporti.

Sipas dokumentit italian, ata përdorin bime me prodhimtari të lartë dhe mënyra tp ndryshme për fshehjen, rritjen dhe transportimin në brigjet italiane.

Bazuar mbi të dhënat e publikuara, është e qartë që grupet shqiptare janë të parat në rrjetet e trafikantëve të huaj në Itali të përfshirë në aktivitete kriminale, me 25 nga 94 rrjete gjithsej.

Megjithatë, grupet kriminale shqiptare nuk kufizohen me trafikun e marijuanës. Raporti ngre shqetësimin se “së bashku me ‘ndrangheta në Kabari, e cila ka ende rol kyç në trafikimin e kokainës në Itali falë lidhjeve të ndërlikuara ndërkombëtare, kanë dalë në pah disa grupe kriminale, të përbërë nga qytetarë marokenë, nigerianë e shqiptarë.

Këta të fundit në veçanti shfaqin shenja rritjeje cilësore në aftësitë operacionale, konkurrojnë me grupe të tjerë kriminalë për kontrollin e segmenteve të trafikut në Itali dhe menaxhimin e rrjetit të shpërndarjes të substancave krysore narkotike në territorin italian”.

Në një deklaratë, ministria e Brendshme shqiptare iu përgjigj raportit të anti-drogës italiane, duke e cilësuar si spekulativ dhe të pasaktë.

‘Në lidhje me raportin e shërbimit të anti-drogës italiane, Ministria e Brendshme dëshiron të sqarojë: Shqipëria nuk është më në listën e rritësve të kanabisit, siç konfirmohet nga raporti i monitorimit ajror të kryer nga Guardia di Finanza, në fund të vitit të kaluar.

Kjo është një betejë e fituar më 2017 që po konsolidohet këtë vit me implementimin e protokollit operacional për fluturimet ajrore, duke monitoruar territorin bashkë me policinë italiane dhe BE’.

ME TE LEXUARAT