Tifozi puth dhe prek gazetaren në transmetim direkt

Një gazetare sporti, e cila po raportonte në një lidhje të drejtëpërdrejtë për Kupën e Botës në Rusi ka postuar në Instagram momentin e një incidenti që ndodhi pikërisht me të.

Julieth Gonzalez Theran ishte në një lidhje direkte me Deutsche Welle, në qytetin rus të Saransk, kur u ngacmua seksualisht nga një tifoz.

Kliko per me shume info

Në videon e postuar nga ajo, Theran ndodhet në një shesh të mbushur me njerëz. Ajo po tregonte se prapa saj ndodhej një orë që po numëronte mbrapsht deri në fillimin e Kupës së Botës në atë qytet.

Ndërkohë që po fliste, një tifoz del përpara kamerës, vendos dorën në gjoksin e gazetares dhe e puth në faqe.

Gazetarja vazhdoi të fliste përpara kameras sikur të mos ishte shqetësuar fare nga veprimet e tifozit.

Por pasi e postoi foton në mediat sociale ajo komentoi duke thënë se, “Kisha dy orë që përgatitesha dhe asgjë nuk ndodhi”.

“Por kur ishim në lidhje direkte ai përfitoi nga kjo. Erdhi, më puthi dhe më preku gjoksin. Më duhej të vazhdoja lidhjen, por pasi mbarova u mundova ta shikoj kush ishte, por personi ishte larguar”, shkruan gazetarja kolumbiane.

Komentuesit u shprehën të zemëruar nga veprimet e këtij tifozi, por kishte edhe nga ata që nuk mbështesnin gazetaren. Deri më tani, sipas mediave, autoritetet ruse nuk e kanë identifikuar ende tifozin

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.