Deklarata e gazetares: Policët kanë frikë të kërkojnë emrin e Agron Xhafës në sistemin TIMS

Aktualitet

Gazetarja e ‘News24’ Klodiana Lala tregoi detaje nga çështja që lidhet me vëllain e ministrit Fatmir Xhafaj. E ftuar në emisionin “Opinion” Lala tha se punonjësit e Policisë së Shtetit e kanë të vështirë të kontrollojnë emrin e Agron Xhafës në sistemin TIMS, pasi kanë frikë se mos pushohen nga puna.

“Unë nuk kam bërë dot një verifikim në sistemin TIMS, sepse ju e kuptoni se punonjësit e policisë e kanë të vështirë të kontrollojnë në sistem emrin e të vëllait të ministrit të Brendshëm, se kujtoj këtu se kur ish-ministri Saimir Tahiri udhëtoi jashtë vendit drejt Gjermanisë që ishte diçka krejt familjare dhe personale. Njëri nga punonjësit që kërkoi emrin e tij në sistemin TIMS, u penalizua”,- tha Lala.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Po ashtu ajo nxori detaje të reja nga procedurat që ka ndjekur vëllai i ministrit, kur shkoi në prokurori. Kujtojmë se sot Agron Xhafaj u dorëzua tek autoritetet italiane, pasi është dënuar me 7 vite e 2 muaj burg për trafik droge.

Gazetarja Lala tha se Argon Xhafaj ka regjistruar dhe zërin në prokurori, për të vërtetuar kështu edhe zërin që dëgjohet në audiopërgjimin që publikoi dy ditë më parë PD, ku pretendohet nga demokratët se vëllai i ministrit flet me trafikantë droge.

“Agron Xhafaj ka dhënë deklarime si një person në hetim. Dhe ka regjistruar zërin e tij. Ai ka informuar se nuk do të ishte disponibël pasi ka marrë vendim, por nuk thënë vendimin e tij. Ai është larguar menjëherë pas procedurës që ka bërë në prokurori. Xhafaj është shoqëruar nga dikush apo ka ikur vetëm? Nga oficer të policisë shqiptare është shoqëruar, por nuk dihen detaje të reja. Unë nuk e kuptoj ku e marrë kryeministri audion pasi nuk dihet se si e ka marrë origjinalin. Ai ka thënë se nuk është zëri im, por as zhargoni që unë përdorë”, tha Lala./bw

ME TE LEXUARAT