Braçe e nxorri jashtë Komisionit, reagon gazetarja e Report Tv: Kam qarë në korridoret e Kuvendit

Aktualitet

Reagon gazetarja e Report Tv Esiona Konomi e cila sot u nxorr përjashta nga Erion Braçe bashkë me kolegen Marsela Karapanço në mbledhjen e Komisionit të Ekonomisë. Braçe pa dy koleget teksa qeshnin me njëra tjetrën dhe duket se kjo e nervozoi së tepërmi duke i kërkuar të largohen nga mbledhja.

Gazetarja, në reagimin e saj nuk kursen ironitë me kryetarin e Komisionit, socialistin Braçe duke e ftuar që të bëjë ekspertizë për buzëqeshjen e saj.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Meqë unë paskam qeshur sot në Komisionin e Ekonomisë, në mbështetje të një batute të koleges sime, Marsela Karapanço, dhe për këtë mora dënimin kapital të nxjerrjes jashtë komisionit në mënyrë demonstrative, deklaroj se nuk kam qeshur...

Por i sugjeroj kryetarit të këtij komisioni, ta dërgojë audion e komisionit për ekspertizë tek agjencia e specializuar ku kryetari i partisë së tij dërgoi të hënën e shkuar materialin e “Agronit”, për të marrë me shpejtësi përgjigjen nëse qesha apo jo...

Pastaj të mbledhim Byronë e Kuvendit, të analizojë përgjigjen dhe të vendosë nëse buzëqeshja ime meriton dhe ndëshkim më të lartë, siç mund të jetë “ndalimi i hyrjes sime në Komisionin e Ekonomisë”, sikundërse sot “urdhëroi” zoti Braçe.

P.S. Deklaroj se pas kësaj ngjarjeje edhe kam qarë në korridoret e Kuvendit... Mbase meritoj dënim edhe për këtè”, shkruan Konomi.

ME TE LEXUARAT