Stresi godet me deklaratën: Policët nuk e dinin pse më arrestuan, kishin urdhër

Showbiz

Reperi i njohur Stresi, i ftuar në emisionin “Zonë e Lirë” në Tv Klan, tregoi të vërtetën rreth arrestimit të tij të disa ditëve më parë. Ai tha se u mbajt 72 orë në Drejtorinë e Policisë së Tiranës, pa asnjë motiv.

Arrestimin e tij, Stresi e konsideroi “qesharak dhe politik”. Ai tha se sapo kishte hyrë në lokalin e lagjes, dhe në atë moment ndërhyri policia duke e arrestuar me pretendimin se u kap me kokainë.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

“Nuk më shpjeguan fare për çfarë jam aty. Pas 12 orësh më morën deklarim, por unë refuzova. Ishte arrestim qesharak dhe prokurorja e gatshme tha çfarë më vini me kështu lloj arrestimesh. Le të pinë çunat cfarë të duan.

Ishte momenti sa hyra në lokal policia rastisi në aksion, kishte 4 orë që vëzhgonte aty. Ka prapavijë politike. Faktikisht të gjithë policët që ishin aty u sollën shumë mirë. Nuk ke çfarë i bënë, ata kanë punën e vet. Më mbajtën 72 orë në paraburgimin e Drejtorisë së Policisë. Unë as e kuptova për çfarë u arrestova”, deklaroi Stresi.

Reperi shtoi gjithashtu se natën e arrestimit të tij, policia shkoi edhe për kontroll në banesën e tij në orën 02:00 të mëngjesit. Ndërsa sa i përket lajmit të dalë në disa media rreth deklarimit të tij para hetuesve, Stresi u shpreh se kjo nuk është e vërtetë, pasi refuzoi të bënte deklarim në polici dhe as nuk pranoi pretendimet për konsumim kokaine.

ME TE LEXUARAT