Pistat e ekzekutimit/ Tre plumba 28-vjeçarit e lanë të vdekur në vend, cila është e shkuara e errët e të atit?

Aktualitet

Mario Majollari është i riu i cili ka mbetur i vdekur mbrëmjen e sotme rreth orës 20:30 pas një atentati më armë zjarri në kryeqytet.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

28-vjeçari është ekzekutuar nga persona ende të paidentitfikuar pranë një karburanti , në zonën e “Kinostudios”.

 

Sipas dëshmitarëve, Majollari ishte nën shoqërinë e një tjetër personi në momentin kur është qëlluar tre herë nga një makinë në lëvizje.

 

Policia e Tiranës është vënë në ndjekje të makinës, e cila dyshohet se është larguar në drejtim të rrugës së malit të Dajtit.

 

Motivet e kësaj ngjarje nuk janë zbardhur ende, ndërkohë që janë sekuestruar kamerat e sigurisë të bizneseve të zonës për të bërë të mundur identifikimin e autorëve.

 

Rezulton se viktima nuk është person me precedentë penalë, por dyshimet e para bien mbi motive të hakmarrjes dhe larjes së hesapeve.

 

Babai i viktimës, rezulton se është dënuar me burgim të përjetshëm për shkak të një vrasjeje të ndodhur në vitin 2000.

 

ME TE LEXUARAT