EMRAT, Shkatërrohet organizata italo-shqiptare e trafikut të drogës

Shtate persona përfunduan në pranga pas nje aksioni të policisë italiane, e cila shkatërroi një bandë ndërkombëtare italo-shqiptare të trafikut të drogës. Personat e pandehur akuzohen se kryenin aktivitetin kriminal në Shqipëri, Itali, Belgjikë dhe Holandë.

Guardia di Finanza në bashkëpunim me policinë shqiptare ka shkatërruar një bandë ndërkombëtare italo-shqiptare që merrej kryesisht me trafikimin e lëndëve narkotike. Lajmi bëhet i ditur nga mediat qe raportojne se ata kishin ndërtuar një bazë në Romë dhe kishin lidhje të fuqishme në Shqipëri, Holandë dhe Belgjikë.

Kliko per me shume info

Shtetasit shqiptarë të arrestuar janë identifikuar si: “Aleks Boçi, 38 vjeç, Florian Prendi 29-vjeç, Edmir Hatija 41 vjeç dhe Elidon Shperdheja 38-vjeç.

Hetimet ndaj tyre filluan pas operacionit “La Romana”, ku u arrestuan 18 persona, pjestarë të një fraksioni të organizatës mafioze italiane “Ndragheta”. Ndër to ishte dhe Francez Forigione, i cili çoi në zbulimin e celulës kriminale shqiptare me bazë në Romë.

Në bazë të hetimeve, Aleks Boci dhe Florian Prendi, me ndihmën e bashkëatdhetarëve në Belgjikë, menaxhonin trafikun e drogës mes Amerikës së Jugut, Veriut të Europës dhe kryeqytetit Italian duke përdorur marifete të ndryshme në portin e Anversës. Transportimi i drogës nga Belgjika për në Itali bëhej nga Edmir Hatija dhe Elidon Shperdheja. Gjithashtu ata bënin të mundur dhe dërgimin e parave të pista jashtë Italisë.

Në sajë të hetimeve është zbuluar se banda kriminale ka arritur të trafikojë mbi 130 kilogramë kokainë. Nga kjo sasi, policia italiane sekuestroi vetëm 9 kilogramë. Nga kokaina, grupi kriminal ka përfituar 1.6 milionë euro, nga të cilat 430 mijë janë sekuestruar.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.