"Ambasador i Islamit", Salah merr dhuratë speciale nga Meka

Sport

Futbollisti i momentit në planet, quhet: Mohamed Salah. Sulmuesi egjiptian i Liverpoolit vazhdon të dhurojë spektakël nga ndeshja në ndeshje.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Edhe mbrëmë kundër Romës, ai shënoi dy gola dhe dhuroi dy asiste duke qenë vendimtar në fitoren 5-2.

Zëvendës kryetari i komunës në Mekë, Fahd Al-Rouky, njofton se planifikon t’i dhurojë futbollistit egjiptian Mohamed Salah një copë tokë në Mekë, si shenjë për fitimin e çmimit “Lojtari më i Mirë i Vitit në Premier League”.

Ekzistojnë disa opsione sa i përket dhënies së një cope tokë Salah-ut. Kjo do të vendoset nga kapiteni Mohamed Salah dhe sistemi saudit. Nëse sistemi saudit lejon që toka në Mekë të jetë në pronësi të Salahut, atëherë atij do t’ia dhurojmë një copë tokë në Mekën e shenjtë pranë xhamisë Al-Haram. Opsioni tjetër do të jetë ta ndërtojmë një xhami në këtë tokë në emër të tij. Dhe opsioni i tretë është ta shesim tokën dhe t’ia japim paratë Salah, nëse ai pranon”.

Ai ka shtuar gjithashtu se sulmuesi egjiptian është dërgues i mrekullueshëm i islamit në Britaninë e Madhe.

Salah ka shënuar 43 gola dhe i ka dhuruar 15 asiste për Liverpoolin në të gjitha garat deri tani këtë sezon. Të hënën ai u shpall lojtari më i mirë për sezonin 2017-18 në Premier League.

ME TE LEXUARAT