Tensione në Egje, anija turke përplas Rojen Bregdetare greke
Sërish tensione mes Greqisë dhe Turqisë në detin Egje.
Mediat greke dhe ato turke shkruajnë për një incident të ndodhur mesnatën e të hënës në Imia, ishulli i ndarë mes Turqisë dhe Greqisë.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Një anije e Gardës Bregdetare turke përplasi skafin e Rojes Bregdetare greke, duke shkaktuar dëme të konsiderueshme materiale. Fatmirësisht nuk pati asnjë të lënduar.
Ngjarja mësohet se ka ndodhur në orën 23:45 sipas orës lokale.
Autoritetet greke e kanë konsideruar këtë incident si provokim, ndërsa ato turke pretendojnë se është ngjarje aksidentale.
Turqia dhe Greqia nuk kanë reaguar zyrtarisht për këtë incident.