A kaloi rreziku i përmbytjeve? Ja parashikimi i Institutit të Gjeoshkencave për sot dhe nesër

Aktualitet

Instituti i Gjeoshkencave, Energjisë, Ujit dhe Mjedisit ka bërë një tjetër parashikim se si do të jetë mopti sot dhe nesër, lidhur me situatën e përmbytjeve.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Nga llogaritjet e fundit hidrologjike të IGJEUM-i, rezulton se, sot (e hënë, dt.05) dhe nesër (e martë, dt.06) do të vazhdojë ulja e prurjeve nga lumi Vjosa, duke ulur rrezikun e përmbytjeve në pjesët fushore të tij.

Lumi Buna dhe Liqeni i Shkodrës do të vazhdojnë rritjen e prurjeve dhe të nivelit për sot (e hënë, dt.05) dhe nesër (e martë, dt.06).

Nga llogaritjet paraprake nuk parashikohen zona të përmbytura, por rreziku i përmbytjeve për zonën e Nën-Shkodrës do të varet edhe nga mënyra e menaxhimit të Kaskadës mbi Lumin Drin.

Lumenjtë e tjerë në të gjithë territorin do të kthehen në prurje normale dhe nuk paraqesin rrezik për përmbytje.

Ky informacion do të përditësohet nga IGJEUM sipas llogaritjeve të ardhshme dhe do të njoftoheni për çdo ndryshim në parashikimin e përmbytjeve.

RESHJET

Sot pasdite (e hënë, dt.05) dhe nesër (e martë, dt.06) nuk priten reshje (siç tregohet në tabelë, respektivisht për secilin qark).

TEMPERATURAT

Nesër (e martë, dt.06) temperaturat minimale dhe maksimale të ajrit pritet të arrijnë:

në bregdet: 3 / 14

në vendet e ulëta: 1 / 15

në vendet malore: -3 / 9 °C.

ERA: sot (e hënë, dt.05) dhe nesër (e martë, dt.06) pritet të fryjë e dobët, ndërsa në bregdet deri mesatare.

ME TE LEXUARAT