EMRI/ Rrëmbeu e dhunoi 19-vjeçarin, arrestohet kryeplaku i fshatit në Korçë

Aktualitet

Kryeplaku i fshatit Biranj, në Korçë, është arrestuar në flagrancë ditën e sotme pasi akuzohet për veprën penale “Rrëmbimi ose mbajtja peng e personit në rrethana lehtësuese”.

Sipas policisë së Korçës, 36-vjeçari Bledi Nurçe, banues në fshatin Biranj (me detyrë Kryeplak i këtij fshati), ka dhunuar një 19-vjeçar, për të cilin dyshonte se kishte kryer një grabitje.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

NJOFTIMI I POLICISE

Specialistët e seksionit për krimet ndaj jetës, bënë kapjen dhe arrestimin në flagrancë të shtetasit Bledi Nurçe, 36 vjeç, banues në fshatin Biranj (me detyrë Kryeplak i këtij fshati).

Më datë 05.02.2018, në fshatin Biranj, shtetasi Bledi Nurçe, ka shkuar tek banesa e shtetasit K.R, 19 vjeç e ka goditur fizikisht dhe i ka kërkuar këtij të fundit, të dilte jashtë banese me pretendimin se e kërkonte Policia, për ta pyetur në lidhje me vjedhjen e disa pajisjeve elektroshtëpiake në banesën e shtetasit L.M, 45 vjeç, ngjarje e ndodhur më datë 30.01.2018.

Pasi kanë shkuar tek banesa ku kishte ndodhur vjedhja, Bledi Nurçe sërish ka ushtruar dhunë fizike ndaj shtetasit K.R, me pretendimin se ky i fundit ishte autor i kësaj vjedhje dhe më pas e ka lënë të lire.

Nga ana e Policisë, po punohet për dokumentimin e plotë të ngjarjes.

Materialet i kaluan Prokurorisë të Rrethit Gjyqësor Korçë për veprime të mëtejshme.

ME TE LEXUARAT