Rama informon Juncker: 17 gjyqtarë dhe prokurorë të lartë kanë ikur

Politikë

Kryeministri Edi Rama, në një konferencë të përbashkët për media me Presidentin e Komisionit Europian, Jean-Claude Juncker, ka deklaruar se Shqipëria ka bërë progres mjaftueshëm në shumë fusha për t’ë patur derën e hapur drejt çeljes së negociatave me Bashkimin Europian.

Kryeministri Rama ka treguar se e informoi Juncker për rezultatet që ka nisur të japë procesi i Vettingut, ku deri më tani janë larguar nga sistemi i gjyqësorit 17 prokurorë dhe gjykatës të niveleve më të larta.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Rama ka vlerësuar edhe kryeprokuroren Arta Marku, duke thënë se me ardhjen e saj janë hapur dosje që flinin në prokurori.

Deklarata e Ramës:

Ne u takuam në dhjetor në Bruksel dhe unë sot pata kënaqësinë ta informoj nga afër presidentin për zhvillimet e reja dhe ecurinë e reformave dhe sigurisht vendosmërinë e Shqipërisë për të ecur drejt Bashkimit Europian.

Siç e dini, komisioni ka rekomanduar qysh në nëntor të 2016-ës çeljen e negociatave të anëtarësimit mes Shqiperisë dhe BE, duke nënvizuar domosdoshmërinë e çimit përpara të reformës në drejtësi dhe zbatimin konkrestisht të procesit të vettingut. Në momentin e ndaljes së atij rekomandimi ne nuk kishim nisur punën konkrete për vettingun. Gjë që po ndodh, E informova se sot plot 17 prokurorë dhe gjykatës të niveleve më të larta të gjyqësorit shqiptar janë tërhequr nga procesi i vetingut. Pra nuk do të jetë më pjesë e sistemit gjyqësor. Një provë e qartë që sistemi i vettingut ka nisur të funksionojë.

Nga ana tjetër e informova poashtu se presim edhe çeljen e çështjeve konkrete dhe rezultateve konkrete nga ana e vetë komisioneve të vettingut. Kanë ndodhur edhe disa gjëra të tjera të rëndësishme, operacioni “Forca e Ligjit”, reforma e rregullimit të barrës së burokracisë për qytetarët, me efekt në luftën kundër korrupsionit. Gjithashtu ka hyrë në proces një transformim rrënjësor një proces i transformimit të marrdhënieve të shqiptarëve me drejtësinë, me kryeprokurorin e ri dhe çeljen e një sërë dosjesh që flinin prej kohësh.

Reformat tona nuk janë të detyrueshme se i kërkon Brukseli, por i kërkon Shqipëria dhe ia kemi borxh një gjenerate tjetër.

Ne e kemi thënë dhe unë dua ta përsëris, besojmë se e meritojmë dhe shpresojmë qe vendet anëtare do t’i përgjigjen pozitivisht kërkesës për çeljen e negociatave.

ME TE LEXUARAT