“E doja por s’më deshi…si dashnore e lënë rishtas”, Patozi ‘godet’ Bashën pas largimit të Halimit

Ish-deputeti i PD-së Astrit Patozi ‘godet’ sërish Lulzim Bashën për largimin e Eduard Halimit. Në një reagim për deklaratën e kreut të PD-së pas lënies së mandatit të ish-kolegut të tij, Patozi me një lojë fjalësh thotë “E doja, por s’më deshi…njësoj si dashnore e lënë rishtas”.

Sipas tij, Basha hesht atëherë kur duhet të flasë dhe bërtet atëherë kur duhet të mbyllë gojën. Për largimin e Halimit, Patozi bën përgjegjës kreun e PD-së. “Nga dëshira që të mos lexohej, se prej tij po largohen, si prej zgjebes, e bëri edhe më të kuptueshme atë që po ndodh realisht në Partinë Demokratike”, shkruan ai.

Kliko per me shume info

STATUSI I PATOZIT
E DOJA, POR S’MË DESHI…
E doja, por s’më deshi”, thotë pak a shumë Lulzim Basha për ikjen e papritur nga parlamenti të Eduard Halimit. Njësoj si dashnore e lënë rishtas, thotë një miku ynë në raste të tilla.
Se Lulzimi ka një problem të madh. Hesht atëherë kur duhet të flasë dhe bërtet atëherë kur duhet të mbyllë gojën.

Sot nuk ishte dita për të folur, por për t’u fshehur gjëkundi, megjithë politesën politikisht korrekte të Eduard Halimit, që përcillej me maturi në dorëheqjen e tij.
Por Luli nuk të lë as të ikësh rehat, ndaj edhe foli, njësoj si ata që për të vënë vetulla, nxjerrin sytë e tyre. A thua se nuk mjaftonte shpjegimi i të zotit të punës, i cili, jashtë çdo diskutimi, ishte ndër deputetët më të zotë të Partisë Demokratike në këtë legjislaturë.

Sepse nga dëshira që të mos lexohej, se prej tij po largohen, si prej zgjebes, e bëri edhe më të kuptueshme atë që po ndodh realisht në Partinë Demokratike.
I kërkoj ndjesë Eduard Halimit për këto rreshta, sepse nuk do të kisha guxuar kurrë të komentoja vendimin e tij, nëse nuk do të kishte hyrë në valle, për të zezën e vet, Luli.
Dhe këtë të fundit e kisha të pamundur të mos e respektoja për atë që tha.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.