NATO: Ushtria e Kosovës formohet pas ndryshimeve kushtetuese

Kosovë&Rajon

Krijimi i Ushtrisë së Kosovës përmes ndryshimeve kushtetuese, në vazhdimësi është kundërshtuar nga Lista Serbe, e cila përkrahet nga Beogradi. Pa votat edhe të Listës Serbe nuk mund të ketë ndryshime kushtetuese.

“Aleanca e NATO-s dhe Këshilli i Atlantikut Verior ishin këtu para disa muajsh dhe ata e bënë shumë të qartë se për NATO-n, nëse bëhet transformimi i FSK-së në Ushtri të Kosovës, duhet të bëhet pas ndryshimeve kushtetuese”, ka thënë Foggo.

Merr lajme ekskluzive në Whatsapp

Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.

Ai i bëri këto komente gjatë një konference për shtyp në selinë qendrore të KFOR-it në Prishtinë.

Pas pengesave të shumta, vitin e kaluar, presidenti i Kosovës Hashim Thaçi kishte tentuar që transformimin e FSK-së ta bënte përmes një projektligji i cili do të mundësonte shndërrimin e FSK-së në një forcë me kompetenca mbrojtëse, ushtarake.

Iniciativa e Thaçit ishte kundërshtuar nga NATO, Bashkimi Evropian dhe SHBA-ja.

Komandanti Foggo ka folur edhe për kërcënimet e mundshme që mund të vijnë nga Serbia dhe ndikimi i Rusisë në Ballkan, e në veçanti në Kosovë. Përkundër raporteve të mira midis Serbisë dhe Rusisë, Foggo ka thënë se nuk ka vend për shqetësim.

“Ka pasur shitje të armëve, të avionëve, disa avionë që i janë shitur Serbisë, unë nuk do t’i blija, janë MIG 29, të cilët janë të vjetër dhe nuk paraqesin kërcënim”, ka thënë Foggo.

NATO ruan praninë e saj në Kosovë përmes forcës paqeruajtëse, KFOR-it, që ka në mandatin e saj garantimin e sigurisë, paqes dhe stabiliteti

ME TE LEXUARAT