Fotoja e të miturit i varur në pemë, babai flet në polici: Ishte shaka

Policia e Elbasanit ka reaguar lidhur me një foto të publikuar në rrjetet sociale të një të mituri të varur në pemë dhe dyshimeve për dhunë.

Policia ka shoqëruar 3 persona, mes tyre dhe babain e djalit 6-vjeçar, i cili ka mohuar se i biri është dhunuar.

Kliko per me shume info

Babai ka deklaruar në polici se fotoja është bërë 2 vite më parë dhe veprimi është bërë nga xhaxhai në formë shakaje.

DEKLARATA E POLICISË
Lidhur me publikimin e një fotoje në rrjetet sociale e më pas në media, ku shfaqet një fëmijë i keqtrajtuar, Policia e Elbasanit bën me dije se:
Specialistët e Seksionit për Hetimin e Krimit në Komisariatin e Policisë Librazhd shoqëruan 3 shtetas nga fshati Zdrajsh, Librazhd, mes tyre edhe babain e djalit 6-vjeçar.

Në deklarime, babai i fëmijës ka pohuar se djali nuk është dhunuar, por këtë veprim vëllai i tij e ka bërë para dy vjetësh në formë shakaje. I pranishëm ka qenë dhe ai vetë.

Lidhur me këtë rast hetimet vazhdojnë në bashkëpunim me Prokurorinë e Rrethit Gjyqësor Elbasan. Policia sekuestroi një aparat celular në cilësinë e provës.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Keqtrajtimi i të miturit” parashikuar nga neni 124/b i Kodit Penal.

LEAVE A REPLY

Please enter your comment!
Please enter your name here