Ministri serb: Beogradi duhet të kërkojë ndarjen e Kosovës

Ministri serb i Mbrojtjes, Aleksandër Vulin, tha të martën se Serbia duhet të kërkojë ndarjen e Kosovës, ndërsa hodhi idenë që Beogradi të bisedojë me Tiranën dhe jo me Prishtinën,

Ai i bëri këto komente në një tryezë diskutimesh në kuadër të dialogut të brendshëm serb për çështjen e Kosovës të cilin e ka hapur presidenti serb Aleksandër Vuçiç.

Kliko per me shume info

“Ndarja afatgjate dhe e fortë ndërmjet shqiptarëve he Serbëve duhet të ndodhë në Kosovë”, tha ai.

LEXO EDHE:  Gjysmë kile kokainë dhe 50 mijë euro false në makinë, arrestohen vëllezërit shqiptarë

Ministri serb, nuk sqaroi se si do të mund të dukej ndarja e Kosovës, por idetë e tilla zakonisht kanë përfshirë veriun e Kosovës të banuar me shumicë serbe, ku vazhdon kundërshtimi i shtrirjes së sovranitetit të Prishtinës.

Ideja e tillë ishte hedhur edhe më herët nga ministri i Jashtëm serb, Ivica Daçiç, por i cili kishte theksuar se kjo nuk është politikë e qeverisë së tij.

LEXO EDHE:  Sulmi në Toronto, 10 akuza për vrasje ndaj të dyshuarit

Presidenti serb, Aleksandër Vuçiç, ka theksuar disa herë se duhet të gjindet një zgjidhje për Kosovën, e cila nuk do të ishte e kënaqshme për asnjërën palë, por pa saktësuar se për çfarë zgjidhje behët fjalë. Ai hapi verën e kaluar një proces të dialogut të brendshëm për këtë çështje në Serbi e cila aspiron të anëtarësohet në Bashkimin Evropian, por kusht themelor është normalizimi i marrëdhënieve me Kosovën.

LEXO EDHE:  Neuropsikiatri i njohur godet Hetem Ramadanin: Po shfrytëzon hallin e njerëzve të sëmurë

Më ndërmjetësimin e Bashkimit Evropian, Kosova dhe Serbia ishin marrë vesh për krijimin e Asociacionit të komunave me shumicë serbe, që parasheh më shumë autonomi për veriun. Marrëveshja kishte nxitur shumë kundërshtime në Kosovë.

Beogradi vazhdon të kundërshtojë pavarësinë e Kosovës që është shpallur dhjetë vjet më parë, më mbështetjen e Shteteve të Bashkuara dhe vendeve kryesore të Bashkimit Evropian./VOA

Kliko per me shume info

LEAVE A REPLY

Please enter your comment!
Please enter your name here