Garda i kthehet ashpër Berishës: Trego respekt!

Ish-Kryeministri Berisha sot në Kuvend ka bërë disa deklarata se një numër gardistësh ruajnë kryeministrin Rama.

Pikërisht për këtë ka reaguar edhe Garda e Republikës.

Kliko per me shume info

Në një deklaratë për mediat Garda shkruan se pas deklaratave të tij në bazë të verifikimeve të bëra prej institucionit, rezulton foto e publikuar nga Berisha nuk ka lidhje me Gardën e Republikës.

Deklarata e plotë:

REAGIM I GARDËS SË REPUBLIKËS

Garda e Republikës shpreh keqardhjen më të thellë për një sulm publik kundër saj, i cili cënon imazhin, integritetin dhe dinjitetin e kësaj trupe në shërbim të autoriteteve shtetërore e të garantimit të sigurisë së aktiviteteve të tyre.

LEXO EDHE:  Dash Shehi: Rama ka vetëm një armik

Ky institucion që qysh prej krijimit të vet e kryen veprimtarinë në kushte jo të lehta, ndjehet edhe më i keqardhur për faktin se është sulmuar përsëri publikisht, nga një ish-kryeministër, të cilit i ka shërbyer dhe vazhdon t’i shërbejë me përkushtimin më të plotë.

Sqarojmë opinionin publik dhe vetë shkelqësinë e tij, zotin Sali Berisha, se fotoja e propaganduar sot prej tij në Kuvendin e Shqipërisë, si pjesë e veprimtarisë së Gardës së Republikës, nuk ka asnjë lidhje me Gardën e Republikës dhe as me zonën e banimit e kryeministrit aktual të Shqipërisë. Po ashtu personat në foto nuk janë punonjës të Gardës së Republikës.

LEXO EDHE:  Vlahutin i dorëzon Bashës rekomandimin e KE për negociatat

Në bazë të verifikimeve të bëra prej institucionit tonë, rezulton se jo vetëm kjo foto nuk ka lidhje me Gardën e Republikës, po nuk ka lidhje as me Shqipërinë. Fotoja është bërë në një province të Italisë dhe institucioni ynë disponon edhe gjeneralitetet e personave në foto, të cilët janë emigrantë shqiptarë në Itali.

LEXO EDHE:  Kancelarja Merkel thërret urgjentisht në Berlin, Edi Ramën: Çfarë po ndodh?!

Duke i kërkuar publikuesit dhe komentuesit të fotos, shkëlqesisë së tij zotit Sali Berisha, që të tregoje respekt për Gardën e Republikës dhe të mos e përfshijë këtë institucion në vorbullën e luftës politike, mbetemi në dispozicion të zotërisë për çdo verifikim të nevojshëm përpara sesa të bëhemi objekt i sulmeve politike mbi bazë shpifjesh.

Kliko per me shume info

LEAVE A REPLY

Please enter your comment!
Please enter your name here