Erdogan telefonon Vladimir Putin, operacioni i rëndësishëm për të cilin diskutuan

Bota

Presidenti i Turqisë, Recep Tayyip Erdoğan, zhvilloi bisedë telefonike me presidentin e Rusisë, Vladimir Putin, shkruan Anadolu Agency (AA).

Sipas informacioneve të marra nga Presidenca e Turqisë, në bisedë është diskutuar për zhvillimet e fundit në Siri, kryesisht në Afrin dhe Idlib.

Në bisedën telefonike ku presidenti Erdoğan ka ndarë informacione në lidhje me operacionin “Dega e Ullirit”, është konfirmuar vendosmëria e vazhdimit të bashkëpunimit në luftën kundër terrorizmit dhe veprimeve të koordinuara.

Gjithashtu në bisedë është folur edhe për çështjet në lidhje me procesin e formimit të pikave të reja të vëzhgimit në rajonin e pakësimit të tensioneve në Idlib.

Mësohet se dy liderët gjithashtu kanë vënë në dukje rëndësinë e vazhdimit të kontakteve të ngushta për çështjet dypalëshe dhe rajonale.

 

ME TE LEXUARAT